Türkmenistana dolanyp barmak üçin şahadatnama

Türkmenistana dolanyp barmak üçin şahadatnama Türkmenistanyň raýatlaryna, Türkmenistanyň çäginden daşarda - Germaniýa Federatiw Respublikasynda, Ispaniýa Patyşalygynda, Polşa Respublikasynda we Daniýa Patyşalygynda bolýan döwründe pasportynyň ýitirilen, ogurlanan, ulanyp bolmajak derejede zaýalanan ýa-da hereket ediş möhleti dolan ýagdaýlarynda, şeýle hem daşary ýurt döwletinde Türkmenistanyň raýatlygyna degişli bolan çaganyň doglan halatlarynda resmileşdirilýär.

Türkmenistana dolanyp barmak üçin şahadatnamany almak üçin ýüzlenýän raýat tarapyndan aşakda görkezilen resminamalar Ilçihananyň Konsullyk bölümine tabşyrylýar.

Resminamalaryň sanawy:

• arza;
• bellenen görnüşdäki sowalnama;
• terjimehal;
• düşündiriş ýazgysy;
• pasport ýitirilende ýa-da ogurlananda — pasportyň ýitirilendigi/ogurlanandygy barada degişli polisiýa edarasy tarapyndan berlen güwänama (türkmen ýa-da rus diline notarial tertipde tassyklanan terjimesi bilen);
• biometrik pasportynyň asyl nusgasy we göçürmesi;
• milli (içerki) pasportynyň asyl nusgasy we göçürmesi;
• dogluş hakynda şahadatnamanyň asyl nusgasy we göçürmesi;
• täze doglan çaga üçin şahadatnama resmileşdirilende:
  • çaganyň dogluş hakynda şahadatnamasynyň asyl nusgasy we göçürmesi -  doglan ýurduň degişli edarasy tarapyndan kanunlaşdyrylan
    (Germaniýada — Daşary işler ministrligi ýa-da ýerli kazyýet;
    Ispaniýada, Polşada we Daniýada — Daşary işler ministrligi);
  • ene-atalaryň nika baglaşylandygy hakynda şahadatnamanyň asyl nusgasy we göçürmesi;
• daşary ýurt döwletinde ýaşamaga ýa-da wagtlaýyn bolmaga rugsat berýän resminamanyň göçürmesi;
• 3 × 4 sm ölçegdäki iki sany fotosurat (reňkli, mat fotosurat kagyzda).

Ähli resminamalaryň göçürmeleri A4 formatdaky kagyzda kabul edilýär.

Konsullyk ýygymlary

Türkmenistana dolanyp barmak üçin şahadatnamany resmileşdirmek üçin konsullyk ýygymlarynyň möçberi:

• 20 ýewro — resminamalar kabul edilen senesinden başlap 4–10 günüň dowamynda resmileşdirilende;
• 35 ýewro — şahadatnama 1–3 iş gününiň dowamynda gyssagly tertipde resmileşdirilende.

Resminamalary tabşyrmagyň tertibi we hereket ediş möhleti

Resminamalar arza ýazýan raýat tarapyndan, onuň özüniň gatnaşmagynda tabşyrylýar.
Türkmenistana dolanyp barmak üçin şahadatnama 30 güne çenli möhlet bilen berilýär.

Töleg maglumatlary we habarlaşmak üçin maglumatlar

Konsullyk ýygymlaryny tölemek üçin bank rekwizitleri üçin Ilçihana ýüz tutulýar.

Elektron poçta:
konsulat@botschaft-turkmenistan.de

Ilçihananyň salgysy:
Botschaft von Turkmenistan
Behrenstraße 42
10117 Berlin

Resminamalaryň kabul edilýän wagty:
Duşenbe, Sişenbe, Penşenbe, Anna
09:00 – 12:30

Telefon arkaly maslahat berilýän wagt:
Sişenbe, Çarşenbe, Penşenbe
14:00 – 17:00

Tel.: (030) 301 02 451
Faks: (030) 301 02 453