Türkmenistanyň Hemişelik Bitaraplygynyň 20 ýyllygyna bagyşlanan kabul edişlik

Türkmenistanyñ GFR-däki ilçihanasy tarapyndan  2015-nji ỳylyñ 23-nji noỳabrynda Türkmenistanyñ Hemişelik Bitaraplygynyñ 20 ỳyllygy we Türkmenistanyñ Garaşsyzlygynyñ 24 ỳyllygy mynasybetli  Berlin şäheriniñ “Ritz Karlton” myhmanhanasynyñ  zalynda resmi kabul edişlik geçirildi.

Kabul edişlige Germaniỳa Federatiw Respubliksanyñ Bundestagynyñ, Berlin şäheriniñ häkimliginiñ, Daşary işler, Ykdysadyỳet we energetika, Goranmak, Saglygy goraỳyş ministrlikleriniñ, Germaniỳanyñ ỳaşlar guramasynyñ federal birleşiginiñ, Nemes ykdysadyỳetiniñ gündogar komitetiniñ, Nemes-türkmen forumynyñ, köpçilikleỳin habar  beriş serişdeleriniñ, ylym, medeniỳet we sungat ojaklarynyñ, nemes kompaniỳalarynyñ, GFR-de akkreditirlenen  diplomatik wekilhanalaryñ wekilleri, şeỳle hem Germaniỳada we Şwesiỳada ỳaşaỳan türkmen diasporasynyñ agzalary we GFR-de bilim alỳan türkmen talyplary gatnaşdylar.

Çäräniñ açylyş dabarasynda Türkmenistanyñ Ilçisiniñ ỳurdumyzyñ Bitaraplyk derejesine eỳe bolmagynyñ taryhy,  Türkmenistanyñ Prezidenti  Gurbanguly Berdimuhamedowyñ halkara hyzmatdaşlygy berkitmek,  Merkezi Aziyada we Hazar deñziniñ sebitinde Howpsuzlyk we hyzmatdaşlyk forumyny döretmek, dünỳä ähmiỳetli transport geçelgeleri baradaky möhüm başlangyçlarynyñ ähmiỳeti, Garaşsyz  we  Bitarap Türkmenistanyñ soñky ỳyllaryñ dowamyndaky ösüşi, onuñ  alyp barỳan daşarky we içeri syỳasaty,  halk hojalygynyñ dürli pudaklarynda, gazanylỳan üstünlikler we durmuşa geçirilỳän özgertmeler, türkmen-german gatnaşyklarynyñ ösüşi  baradaky çykyşy diñlenildi.

 Kabul edişligiñ dowamynda  Türkmenistanyñ Magtymguly adyndaky  Milli sazly drama teatrynyñ ỳokary derejeli aỳdymçysy Atageldi Garỳagdyỳewiñ we Türkmen milli konserwatoriỳasynyñ ỳörite fortepỳano kafedrasynyñ mugallymy Wladimir Mkrtumowyñ ỳerine ỳetirmeklerinde milli türkmen aỳdymlary,  nusgawy opera eserleri  diñleỳjiler tarapyndan gyzgyn garşy alyndy we konsert  şowhunly geçdi.

 Türkmen milli tagamlary, naz-nygmatlary baỳramçylyk  toỳ saçagynda aỳratyn orun eỳeledi we myhmanlarda  uly  gyzyklanma  döretdi.